Sinkklæðningar á þök

Sink hefur verðið notað í aldaraðir til að klæða þök og veggi. Sinkið hefur ótrúlega endingu og er almennt talað um að endingartíminn sé a.m.k. hundrað ár.

Arkitektar og húseigendur hafa í gegnum tíðina hrifist af eiginleikum sinksins. Á yfirborð sinksins myndast náttúruleg patína sem ver efnið og myndar fallegan náttúrulegan lit. Hægt er að fá sinkið forveðrað. Auðvelt er að forma sink í nánast hvaða form sem er.

Áltak hefur undanfarin ár haldið námsskeið fyrir blikksmiði í sinkklæðningum og því er til í landinu mikil verkþekking varðandi klæðningar með sinki.

Áltak getur verið arkitektum og hönnuðum innan handar við allar útfærslur, við eigum mikið magn teikninga og deililausna, auk þess sem við erum í sambandi við færustu hönnuði hjá VM ZINC®. Okkar markmið varðandi sinkið er eins og á öðrum sviðum er að veita heildarlausnir sem virka miðað við íslenskar aðstæður.

Þakklæðningar
VM ZINC® hentar afburðavel sem þakklæðning á öll þök allt niður í 5° þakhalla. Áltak býður allt sem til þarf varðandi læstar þakklæðningar, allar festingar, undirlag, teikningar, ráðgjöf og verklýsingar.